张敬轩出柜（张敬轩八卦）
歌手张敬轩（轩仔）去年宣布作“短期休息”后，今年全力“复出”，将于6月15至17日举行三场演唱会及国语、广东新碟，其中一代表作就是亲自筹备一年，将音乐及餐厅结合，逾7位数字开餐厅。
轩仔在自资的餐厅为新歌《缺》接受专访，问到37岁的他有名有利有餐厅，唯独感情事有“缺”，但轩仔却大爆：“过去几年都有啲情缘，对方系工作时认识。（好多个？）我都系个好材料嘅㗎，你觉得我系咪笋盘，我大人大姐话冇你都唔信啦？”问是否应戥他高兴？他说：“有乜好高兴，空欢喜一场。（冇试吓发展？）我怕麻烦，大家未去到发展嗰一步，只系大家Feel到互有好感。”
自认超难相处轩仔直言是个典型水瓶座的人，是个超难相处的人，他先反问说：“你都应该Feel到？我系个好麻烦嘅人，啲衫要折到起角，对一个有偏执狂嘅人，我生活嘅 *** 来自一只叉摆得正唔正，盏灯摆得靓唔靓，就系呢啲，我暂时未必需要一个伴侣，咩人需要伴侣呢？就系对方喺我世界里面，我可以包容佢嘅嘢，好似污糟邋遢，好似买家俬咁，当你想摆一张两座梳化时，自然会腾出一位置。”已多年冇拍拖的他，可觉得错过机会？轩仔坦言连阿妈都心急催拍拖，而他不只想拍拖，更因自己已37岁，更想揾个结婚对象：“心里面都想揾一个一直陪你行到钉盖嘅人。（对另一半有咩要求？）首先要有Feel啦，要持家有道，仲要事业上帮到我。（外表呢？）唔使靓样，高大，身材好。（都好贪心㖞？）所以咪冇啰！（降低啲？）咁点呀，唔通揾个人返屋企笃眼笃鼻咩？”
曾被妈妈怀疑有“问题”轩仔觉得对象难求，跟他做娱乐圈有关：“呢行见得人多，引诱又大，相处时间又唔多，但一个人时，自己锺意几时飞就几时飞，我向往自由。（锺意畀人锡？）我锺意照顾人多啲，随缘啦，上帝自有安排，但我唔Enjoy，你畀反应㗎嘛，做呢行男男女女都会向你示爱，可能被人追惯咗，应该揾啲高难度啲，我去追人，但我又未揾到一个好吸引嘅，水瓶座啲人系咁。”又指传媒经常安排“新欢”给他，就算将来揾不到心目中的理想伴侣也觉得无所谓，因为他性格好自我及独立，连他妈妈曾怀疑仔仔有“问题”：“一个人唔觉得唔好㖞，我阿妈细个时帮我问米，以为我撞鬼，我成日自己同自己讲嘢，一个人玩，我系个习惯独行嘅人。”
同关智斌感情好问到跟多年密友关智斌（Kenny）的关系？他指外界误会了，他谓和Kenny一直感情好好：“早排都见过，我哋仲系好Close，好Close、咁多年大家齐做新人，好难得揾到一个我讲啲嘢，佢又听得明嘅。（你哋好似疏远咗？）因为佢发咗达？讲笑啫，只系佢多咗返大陆，我哋耐唔耐都有通 *** ，喺香港都有见面，阿Sa（蔡卓妍）生日嗰晚，我哋都有一齐喺度。”
至于问到敏感话题，轩仔亦大方回应，指如有同性追求，他称暂时没有抗拒感，因本身有很多男Fans，又觉得：“唔知系咪因为做艺术行业，其实做艺术嘅人，系冇性别观念，我唔话佢哋就系异性恋，佢哋又点样，爱就系爱。”可会为绯闻而不开心，轩仔再次坦言说：“自己嘅事自己知，但最大问题系，有时自已都唔清楚，我冇办法讲你知，啲人话我出身军部，好有权势，我同大家讲，大家又唔信，余文乐仲话唔好得罪我，我阿妈会揾部坦克车嚟车人，好多传闻，初时都要谂点答，但后来又觉得睇、写，被写嗰个都唔介意就算。”
